Nafarroako II. Mailako Aizkora Kanporaketa jokatu da Arantzako bestetan

Nafarroako II. Mailako Aizkora Kanporaketa jokatu da Arantzako bestetan
Lehendabiziko bortzak finalerako sailkatu dira

Lehen bortz aizkolariek irailaren 30ean Igantzin jokatuko den finalean jokatzeko txartela lortu dute

Abuztuaren 17an, ostiralean izan zen norgehiagoka, Arantzako pilotalekuan. Bi kanaerdiko eta 60 ontzako bat ebaki zituzten partaideek. Iban Resano izan zen garaile, 07:48:82 behar izan zituen. Bigarren, berriz, Asier Pellejero izan zen. Aresoarrak 08:11:24 behar izan zituen lanak bukatzeko. Beintza Labaiengo Jesus Etxeberria izan zen hirugarren, hamasei segunduko tartearekin (08:27:09).

 

Laugarren postuan Goizeder Belza (08:34:60); bortzgarren Mikel Indakoetxea zubietarra (08:39:34); seigarren Jon Telletxea beintza labaiendarra (08:51:92); zazpigarren Migel Angel Etxeberria (09:20:40); era zortzigarren Xuban Kañamares (10:20:70) izan zen.

Ander Erasun, Aitor Senosiain, Moises Gogorza eta Patxi Mindegiak txapelketan ez aritzea erabaki zuten. Patxi Mindegiak medikuaren agiria aurkeztu zuen. Beste hiruak izanen dira maila galduko dutenak. Kanporaketan sailkaturiko lehen bortz aizkolariek finalerako txartela lortu dute. Finala igantzin jokatuko da, irailaren 30ean. 

 

Erlazionatuak

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun