24 parte-hartzaile lehiatu dira Lesakako I. Slalomean

Ttipi-Ttapa 2018ko abu. 20a, 09:01

Lesakako I. Slaloma egin zuten abuztuaren 11n. Nafarroako Federazioaren egutegiaren baitan txertatutako proba puntuagarria ez izanagatik, 24 parte-hartzaile bildu ziren. Giro ederra izan zuten eta Gaizka Zabala izan zen saritua, BMW E30 kotxearekin. 02:41:41 behar izan zituen helmugaratzeko. Bigarren Iker Sein izan zen (BMW E30) eta 03:00:31 denboran egin zuen itzulia. Xabier Galarragak lortu zuen hirugarren postua (Nissa200SX) 03:06:31 behar izan zituelarik.

 

Monoplazetan, berriz, Hodei Ariztegik (Nitokar EVO I, 02:24:16), Iosu Zozaiak (Nitokar EVO II, 02:30:28) eta Mikel Lasartek (Nitokar EVO II, 03:16:22) osatu zuten podiuma, hurrenez hurren. Ikusgarrienaren saria, aldiz, Fermin Iriartek (BMW E36) jaso zuen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun