Jendez gainezka zegoen Beralandetan egin dute aurkezpen ekitaldia
Antonio Valderrabano Quintanaren ‘Historia de Bera y Navarra’ liburua aurkeztu dute abuztuaren 9an, ortzegun arratsaldean Berako Beralandetan. Jendez gainezka zegoen aretoa eta hainbat urtez herrian mediku izandako Valderrabanok berak eman ditu liburuaren inguruko azalpenak.
Beran izandako gertaera historiko batzuk eta Nafarroan izandakoak baina modu batean edo bertzean Beran eragina izandakoak kontatzen ditu liburu honek. Gertaerek ez dute elkarren arteko loturarik, batzuk informatiboak baino ez dira eta bertze batzuk biztanleriak bere garaian bizitutakoak.