Nicolas Darricau azkaindarra eta Ane Elzaurdia beratarra izan dira Berako V. Gau Krosseko irabazleak

139 korrikalari bildu ziren abuztuaren 1ean Manttalek antolatutako lasterketan, inoiz baino gehiago 

Nicolas Darricau azkaindarra eta Ane Elzaurdia beratarra izan dira abuztuaren 1ean, asteazken arratsean jokatutako Berako V. Gau Kroseko garaileak. Darricauk 31 minutu eta 40 segundo eta Eltzaurdiak 41 minuto eta 5 segundo behar izan dituzte errepide eta mendiz osaturiko 7,4 kilometro luze eta 300 metroko desnibel positiboa duen ibilbidea burutzeko. 139 korrikalarik bukatu dute proba, horien artean 34 emakumek.

 

Gizonezkoetan, Darricauren ondotik Anbrunak peñako Gwendal Larque beratarra izan da bigarren (32:54) eta Ziñaurriak taldeko Asier Apezetxea hirugarren (33:11).

Emakumezkoetan, Auskalo peñako Leire Elzaurdia da garaile (41:05). Ia lau minutu eta erdiko aldea atera zion bigarren izan den Lorea Saroberi (45:29) eta minutu erdi bat gehiago Ainhoa Etxegarairi (46:00).

Denera 139 partaide bildu dira lasterketan, inoiz baino gehiago eta giro ezin hobean joan da gaua, bai partaidetza aldetik eta baita ikusleen aldetik ere.

Eztakit koadrilak irabazi zuen korrikalari gehien aurkeztu dituen koadrillaren saria. Bigarrena Baietz izan da.
Proba bukatzerakoan, eta sari banaketa ondoren, luntx bat eskaini dute.

Erlazionatuak

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun