Bazkariaren aitzinetik eta ondotik giro ederra izanen dute herrian. Eguerdian, bestei hasiera emanen dien altxaferoa lehertuko da eta segidan Elutxa txarangaren eta herriko txistularien doinuak izanen dira entzungai. Herriko gaztetxoek dantza emanaldia eskaini ondotik, mahaiaren bueltan bilduko dira herritarrak.
Bazkalondoan bestetako programara aurkeztutako marrazkiak ikusteko aukera izanen da, gorapean; eta ordu berean, haurrek aurpegiak margotu ahal izanen dituzte. Bertaratzen denak 20:00etan Txamukos mariatxi taldearen eskutik, eta 00:00etatik aitzinera Beñat eta Fernandorekin, dantzarako tartea izanen du. Joan-etorria egiteko autobus zerbitzua izanen da.