Ilargi Sport eskuderiak Koteto Altzugarai zena gogoan izanen du larunbateko proban
Lesakako Rallysprint-aren hamabosgarren edizioa uztailaren 21ean antolatu du Ilargi Sport eskuderiak, Koteto Altzugarai taldekidea gogoan. Larunbatean, 08:00etatik 11:00etara eginen dituzte egiaztapenak eta 12:00etan itxiko dute errepidea. Lehendabiziko autoa 13:00etan abiatuko da. Sari banaketa 19:30ean eginen dute Plaza Zaharrean, Koteto Altzugarai eta hildako motorzaleen omenez eginen den minutuko isilunearen ondotik.
74 ibilgailu ariko dira lehian eta tartean, Ilargi Sport taldeko Joseba Beola etxalartarra eta Juan Luis Iratzoki igantziarrak gidatutako Mitsubishi Lancer Evo autoa izanen da faboritoetako bat. Mattin Villares urdazubiarrak eta Jon Zozaia goizuetarrak gidatutakp Renault Clio Maxi autoa ere bikain dabil aurten. Aipagarria da, Txus Jaio piloto ezaguna ere Lesakan izanen dela.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.