Larungo Kaiola ostatuan Kabia kultur espazioa irekiko dute uztailaren 22an

Ttipi-Ttapa 2018ko uzt. 17a, 12:40
Ekizak kontzertua eskainiko du igande arratsaldeko 4etan eta egun horretatik aitzinera Asier Gogortzaren erakusketa ikusgai izanen da Larungo Kaiolan.

Ekizak kontzertua eskainiko du eta Asier Gogortza argazkilariaren erakusketa zabalduko da 

Larungo Kaiola ostatuak kulturari ateak zabaldu nahi dizkio, ostatuaz gain Larrungo kaxkora heltzen diren guztiei kultur eskaintza bat emateko intentzioarekin Kabia kultur espazioaren ateak zabalduko ditu uztailaren 22an, Asier Gogortza argazkilariaren erakusketarekin eta Ekiza musikariaren kontzertuarekin.

 

Erakusketa uda guztian egonen da zabalik eta kontzertua arratsaldeko 4etan izanen da.

Hemendik aitzinera kultur adierazpenak sustatzea izanen da Kabia kultur espazioaren lekukotza, mugaren bi aldetara egiten denaren leiho izan eta turismoari ostatu bat baino zerbait gehiago eskaintzeko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun