erran.eus

Berako II. Futbol 7 txapelketa mistoa jokatuko dute uztailaren 21ean

  Kirola  Bortziriak  Bera

Uztailaren 18a bitarte eman daiteke izena, Xuga eta Errekalde ostatuetan, 30 eurotan 

Joan den urteko arrakasta ikusirik, aurten ere, Gure Txokoa Kirol Elkartearen eskutik, uztailaren 21ean, larunbatean, Berako II. Futbol 7 txapelketa mistoa jokatuko dute. Horrela, duela urte batzuk Berako Besten aitzintik ospatzen zen futbito txapelketa berreskuratu nahi dute, urteroko hitzordu bihurtuz. Maila guztietako taldeak animatzeko deia egin dute, prestaketa fisiko berezirik ez dela behar gaineratuz.

Berako II. Futbol 7 txapelketa mistoa jokatuko dute uztailaren 21ean
Joan den urtean egin zuten lehen aldiz futbol-7 txapelketa Beran. Argazkian, sari banaketa. | Ikusi handiago | Argazki originala

Partidak arratsaldez izanen ditute, herriko Matzada Futbol Zelaian eta ordua, izena ematen duten talde kopuruaren arabera, ondotik zehaztuko dute. Informazio gehiago edo bertzelako argibiedrik nahi duenak 647 569401 (Jon) telefonora deituz eskuratu ahal izanen du.

 

Izen-ematea eta baldintzak

Uztailaren 18a bitarte eman daiteke izena, Xuga eta Errekalde ostatuetan izen-emate orria bete eta taldeko 30 euro ordainduta. Parte hartzeko 14 urte baino gehiago izan behar dira eta gehienez ere hamasei talde onartuko dira (beratarrak lehenetsiko dituzte).

  

Saria

Lehendabiziko hiru sailkatuek Xuga, Errekalde eta Zubiondo jatetxean otordu bana irabaziko dute. Sari gehiago ere izanen dira jokoan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa