Horietatik 9 Lesakakoak dira, Beti Gazteren harrobikoak, baina Nafarroa osotik ez ezik, Gipuzkoa, Araba, Errioxa eta Kataluniatik ere etorritakoak badira. Lesakako futbolariak hauek dira: Aritz Aranberri Goia, Ion Galardi Txoperena, Aitor Galardi Txoperena, Oier Mitxelena Zubieta, Manex Ubiria Garcia, Iker Irigoien Ubiria, Oier Ordoki Fagoaga, Ibon Ruiz Sarasola eta Eneko Irazoki Caramazana. Monitore lanetan ere bertze lesakar bat ari da, Xabi Etxenike Iantzi.
Chus Rodriguez kanpuseko zuzendariak eskerrak eman dizkie aurten ere bai Lesakako udalari, bai Beti Gazte elkarteari, ematen dituzten erraztasunengatik. Berez Erriberako Eskolak gauzatutakoa izanik, Cabanillas, Lodosa, Gares eta Beiren eginkatu dute, baina Lesakan laketu dutela onartu du Rodriguezek. Ohikoa denez, futbolean trebatzeaz gain, aisialdirako ekintzak ere egiten dituzte, hondartzara edo mendira joanez, etab… Igande eguerdian Harriondoan eginen dute itxiera ekitaldia.
Heldu den astean, 9-10 urteko neska-mutikoak etorriko dira.
