erran.eus

Alkoholaren inguruko aholkuak eman ditu Bortzirietako Gizarte Zerbitzuen Mankomunitateak herrietako bestei begira

  Gizartea  Bortziriak

Bestaren osagaietako bat izanik ere, «ez dezagun alkohola bestaren erdigune bilakatu», dio oharrean

Udan datoz herrietako bestak eta alkohola izan ohi da bestaren osagaietako bat. Halere, Gizarte Zerbitzuen Mankomunitateak ohartarazi duenez, «ez dezagun alkohola bestaren erdigune bilakatu eta sorrarazten ahal dituen gehiegizko arazoei aurre egin diezaiogun». 

Honela, alkohola kontsumitzea edo ez kontsumitzea erabaki bat da, norberak hartu beharrekoa eta bertzeena errespetatu beharrekoa. Hori bai, alkohola edatea erabakiz gero, «kontsumoa arduratsua egiteko» deia egin dute, arriskuak guttiagotzeko neurriak hartuz: «ez gidatu, lagunak ez utzi bakarrik, ez geratu bakarrik, ez egin sustantzia nahasketarik, atseden hartu eta zure erritmoa errespetatu». Aldi berean, adin ttikikoek ez dutela alkohola kontsumitu behar ere gogorarazi dute eta beraiei saltzea debekatua dagoela.

Honela, ostatuetako saltzaileendako ere aholkuak eman ditu Mankomunitateak: «Mozkorturik dauden pertsonei alkohol gehiago ez hartzea gomendatu, emakume haurdunei edari alkoholdunik ez edatea aholkatu, alkohol kontsumo arduratsua eta osasuntsua sutatu, adinaren zalantza izanen gero Nortasun Agiria eskatu, alkoholaren eraginpean dagoen gidariari egoera hoprretan ezin duela gidatu konbentzitzen saiatu eta edari alkoholdunaren eskatzailea adin ttikikoa bada, alkoholik gabeko edariaren eskaintza egin eta alkohola saltzea debebatua duela oroitarazi».

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa