San Juan suaren inguruan egitarau polita prestatu dute Etxalarren ere

Merienda-afaria eta joareak joz herriari itzulia egin ondotik, suak piztuko dituzte musikaz lagunduta

Ekainaren 23an, larunbatarekin ospatuko da aurtengoan San Juan bezpera eta suaren inguruan egitarau zabala prestatu dute Etxalarren ere. 20:00etan merienda-afaria eginen dute frontoian. Bakoitzak nahi duena etxetik eramanen du eta bertan janen dute, denek elkarrekin. 21:00etan joareak joz herriari itzulia emanen diote eta ondotik, musikaz lagunduta suak piztuko dituzte plazan. Eskola zaharren ondoan jarriko den kontenedorea egun horretarako paper eta kartoiak biltzeko izanen da.