Giro ederrean joan dira Altzateko bestak

Ttipi-Ttapa 2018ko eka. 18a, 07:34

Gure Txokoako areto-futboleko taldekideek bota zuten altxaferoa ortzirale arratsean

Ortzirale arratsaldeko 8etan abiatu ziren Altzateko bestak. Aurtengoan, Gipuzkoako bigarren mailan txapeldun eta lehen mailara igotzea lortu duten Gure Txokoako areto-futbol taldeko jokalariak izan ziren lehen suziria pizteko arduradunak. Ondoan zituzten erraldoi konpartsako kideak ere. Ondotik, kalejira egin baitzuten erraldoiek, buruhandi eta txistulariekin batera.

 

Bertso-poteoa, suzko zezena eta kontzertuak ere izan zituzten.

Larunbatean. Bera-Lesakako soinulariekin egindako bermuteo-kalejiraren ondotik, zikiro jatea izan zuten Uraldea karrikan. Bazkalondoa, Baionako Smalla Band taldeak animatu zuen. Batukada eta suzko-zezena ere izan zituzten larunbatean.

Bukatzeko, igandean, euskal dantzak, haur jolasak, funky dantzak eta pintxo-jirako zozketa egin zuten.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun