Uda osoko familia abonua (15 urte arteko haurrak doan), 83,50 eurokoa da; 65 urtetik goitikoei 21,50 euro ordainduko dute; 16 urtetik goitikoek 44,50 euro; 10 eta 15 urte artekoek 32 euro eta 4-9 urteko haurrrek 21,50 euro.
Eguneko sarrera, berriz, 65 urtetik goitikoendako 2,20 euro, helduentzako 4,50 euro, gazteentzako 3,50 euro eta haurrentzatko 2,20 euro izanen da.
Ikastaroetarako izen-ematea, berriz, ekainaren 4tik 14ra egin daiteke kiroldegian.
Haurren ikastaroetarako laguntza ematen du Berako Udalak eta guttienez 10 lagun beharko dira ikastaroa emateko. Arkupeak elkarteko bazkideek ere deskontuak dituzte aktibitateetan.
Igerilekuan igeriketa eskainiko dute, baina horretaz gain, kiroldegian ziklo indoor, pilates, entrenamendua suspentsioan eta ziklo gaztea egin daiteke, baita muskulazio gelarako abonamendua ere.