Nafarroako Matematika Olinpiadan hirugarren izan da Mikel Prieto Etxegarai beratarra

Nafarroako Matematika Olinpiadan hirugarren izan da Mikel Prieto Etxegarai beratarra
Erika Goia eta Mikel Prieto hirugarren izan miren Matematika Olinpiadan.

Toki Onako ikaslea maiatzaren 19an aritu zen Tuteran, Larraintzar Institutuko Erika Goiarekin bikote eginez

Mikel Prieto Etxegarai, Berako Toki Ona institutuko ikasleak 3. saria lortu zuen maiatzaren 19an Tuteran egin zen Nafarroako Matematika Olinpiadan. Olinpiada hau urtero egiten da DBHko bigarren mailan, eta ikastetxe bakoitzetik ordezkaritza ttiki bat joaten da. Toki Onatik bi ikasle joan dira aurten: Mikel Prieto eta Sara Txoperena. 

 

Guztira 49 ikastetxeko 144 ikaslek parte hartu zuten, euskaraz eta gaztelaniaz. Froga binaka egiten da. Larraintzarko institutuko Erika Goia Larraioz izan zuen bikote Mikel Prietok.

6 problema ebazteko lana dute egiteko, ez dira klaseean egiten diren ariketa arruntak; ezagupenaz gain, logika, sormena eta arrazonamenduaz baliatu behar dute soluzioa bilatzeko. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun