Arantzan, Beran, Etxalarren eta Igantzin udalekuak uztailaren 2an hasi eta uztailaren 27an bukatuko dira. Lesakan, berriz, uztailaren 16atik abuztuaren 10era bitarte izanen dira. Herri guztietan, udalekuak goizeko 10:00etatik 13:00ak arte izanen dira.
Izen-ematea Bortzirietako Mankomunitatearen web orriaren bidez (www.bortziriak.eus) edo telefonoz (948 634125 edo 680650650, 09:00etatik 13:00etara) deituta egin daiteke. Taldea osatzeko herri bakoitzean zortzi neska-mutikok izen-ematea beharrezkoa izanen da.
Lehentasuna eta prezioak
Udalekuetan onartuak izateko lehentasuna Bortzirietan erroldatuak diren eta bertako ikastetxeetan (D eta B ereduetan) matrikulatuak dauden neska-mutikoek izanen dute. Udalekuetan lau asteetarako edota bi astetarako izen ematen ahalko da. Lau astetarako 90 euro ordaindu beharko dira; bi astetarako, berriz, 50 euro. Bi senidek izena emanez gero, berriz, 150 (lau aste) edo 80 (bi aste) euroko kostua izanen du; hiruk emanda, 180 edo 90 euro, hurremez hurren.
Zailtasun ekonomikoak dituzten familiek matrikularen %50a ordainduko dute. Horretarako Bortzirietako Gizarte Zerbitzuen Mankomunitatera (948 635 036) jo behar dute, beharraren balorazioa egiteko.
