erran.eus

Morau musikariaren 'Egunsentiak alperrentzat' azken diskaren aurkezpena Beran, maiatzaren 20an

  Gizartea  Bortziriak  Bera

Euskal idazle eta musikariaren emanaldia 19:00etan izanen da, Kataku ostatuan

Andoni Tolosak, Morau ezizenez ezagutzen denak, bere azken diska, Egunsentiak alperrentzat, aurkeztuko du igandean, hilaren 20an. Berako Kataku ostatuan eskainiko du saioa, 19:00etan. Folk-rock kantautoreak 'gizartearen kronistatzat' du bere burua; eta ironia eta xamurtasunez zipriztinduak dira orain artean kaleratu dituen sei diskak.

 

Morau musikariaren 'Egunsentiak alperrentzat' azken diskaren aurkezpena Beran, maiatzaren 20an
Diskak amarekin, dozena bat urtez, goizero, egunsentietan egin dituen paseoak ditu ardatz | Ikusi handiago | Argazki originala

 

Morauren Egunsentiak alperrentzat bakarkako lehen lan luzeak amarekin, dozena bat urtez, goizero egunsentietan egin dituen paseoak ditu ardatz. Paseo horiek aitzakiatzat hartuz, gaixotasunaz (bereziki amaren alzheimerraz), zaintzaz, familia-harremanez, maitasunaz edo heldutasunaren bilakaeraz solastatzen da.

Egunerokotasunean kokatu du bere begirada, gertakari eta irudi txikiz hornitu ditu hamairu kantuak, dramatik urrunduz eta gaixotasunarekin lotutako topikoei alde eginez. Bukaera eta hasiera jakineko bidaian murgiltzea ahalbidetzen du, gogoetei tarte eginez.

2018/05/20 19:00 - 21:00

Kataku ostatuan Bortziriak Bera

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa