Izan ere, Xabi Telletxea bera zen proba honen bultzatzaileetako bat (baita parte-hartzailea ere eta Nafarroako txapeldun izana zenbait urtez) eta bere heriotzaren ondotik, herritarrek lekukoa hartu eta bere izena jarri zioten jautsierari. Aipatzekoa da, azken urteetan bezala, Nafarroako Txapelketa erabakiko dela Igantziko proban eta gisa berean, Euskadiko Openerako puntuagarria izanen dela. Beraz, modalitateko Euskal Herriko biker edo txirrindulari onenak abiatuko dira Frain kaxkotik herrirako bidean, ikuskizun bikaina eta bizia eskainiz.
Larunbat goizean entrenamenduak, arratsaldean lehia
Goizean entrenamenduak eginen dira, 09:00etatik 12:30era eta lehiako lehen txanda edo manga 15:00etan hasiko da. Federatuak izatea derrigorrezkoa da. Egun osoan ostatua irekiko dute eta ogitartekoak erosteko aukera ere izanen da.
Informazio gehiagorako 680 704091 telefonora deitu edo igantzikobiltoki@hotmail.com helbide elektronikora idatzi.