Giltzarri Abesbatza 1996. Urtean sortu zen eta hasieratik Isabel Lacar lesakarraren zuzendaritzapean izan da. Gaur egun, Bidasoa aldeko 40 abeslarik osatzen dute eta astero biltzen dira, errepertorioa berritu eta musika zabaltzeko helburuarekin.
Azkoien-Peraltako Udal Musika Eskolako abesbatza 1997an sortu zen, Mercedes Gorria Sanchezen zuzendaritzapean. Gaur Egun, David Echeverriak zuzentzen du 25 ahotseko abesbatza.
Burgosko Isabel I. unibertsitateko ganbera abesbatzak 1991n eskaini zuen bere lehen kontzertua, Angel Portal Seguraren zuzendaritzapean. 2013. Urtetik honat Enrique Yuste Riverok zuzentzen du.
Lehenik, hiru abesbatzak bakoitza bere aldetik ariko dira eta gero, elkarrekin abestuko dute.
Lesakako Musika Bandaren Udaberriko Kontzertua ortziralean
Musika kontuekin segituz, Lesakako Udal Musika Bandak Udaberriko kontzertua eskainiko du maiatzaren 11n, ortziralean 20:30ean San Fermin Jubilatuen Elkarteko egoitzaren arkupetan.