Nafarroako kenpo kai txapelketa igandean jokatuko da Beran

Ttipi-Ttapa 2018ko mai. 3a, 12:34
2015ean nazioarteko kenpo kai topaketa egin zuten Berako kiroldegian.

Larunbatean, berriz, Felix Errandonearen omenez 41. Txirrindularitza lasterketa antolatu du Gure Txokoak 

Maiatzeko lehen asteburua mugitua izanen da herrian kirol arloan. Maiatzaren 6an, igande goizeko 10etan hasita, Nafarroako Kenpo Kai txapelketa jokatuko da Toki Ona kiroldegian. Berako Kenpo Kai taldeak antolatu du txapelketa, Nafarroako Karate Federazioa eta diziplina elkartuak eta Berako Udalaren laguntzarekin.

 

Felix Errandonea XLI. Memoriala larunbatean

Maiatzaren 5ean, larunbatean 17:00etan abiatuko da Gure Txokoa elkarteak antolatutako Felix Errandonea XLI. Memoriala, junior mailako txirrindulariei zuzendutako lasterketa. 78 kilometro osatu beharko dituzte eta Gure Txokoak boluntarioen laguntza behar du, bai bidegurutzeetan egoteko, baita motoetan joateko ere. Animatzen denak, guretxokoaelkartea@gmail.com helbidera edo 626 309438 telefono zenbakira mezu bat idatzi dezake. Egunean bertan 16:15 aldera Iamotenean egon beharko dira boluntarioak.

Kirola Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun