erran.eus

Nafarroako lauko sokatira txapelketan lehen txapelak herrian irabazteko lehen urratsa eman dute Beti Gazteko neska eta mutilek

  Kirola  Bortziriak  Lesaka

Apirilaren 14an Txantrean egindako lehen jardunaldian nagusitu ziren lesakarrak eta apirilaren 21ean Lesakan jokatuko dituzte lehen finalak 

Nafarroako goma gaineko lauko sokatira txapelketa jokatzen hasi da, hamahirugarren aldiz. Larunbatean Txantrean jokatutako lehen saioan, gizonezkoen 320 kilotan eta emakumezkoen 255 kilokoan nagusi izan ziren Beti Gazteko tiralariak. Kadete mailan, Baztango Basaburukoak izan ziren irabazle lehen jardunaldian.

Nafarroako lauko sokatira txapelketan lehen txapelak herrian irabazteko lehen urratsa eman dute Beti Gazteko neska eta mutilek
Beti Gazteko mutilak eta neskak tiran Txantreako lehen jardunaldian. Bi taldeek tiraldi guztiak irabazi zituzten. | Ikusi handiago | Argazki originala

 

GIZONEZKOAK  320 kilo – Lehen jardunaldia:

Beti Gazte: 6 puntu

Txantrea: 5 puntu

Berriozar A: 4 puntu

Kaskallueta: 3 puntu

Berriozar B: 2 puntu

Antsoain: puntu 1

 

20 URTEZ AZPIKOAK 280 kilo – Lehen jardunaldia:

Araxes B: 5 puntu

Berriozar: 3,5 puntu

Basaburua A: 3,5 puntu

Araxes A:  2 puntu

Basaburua B:  puntu 1

 

KADETEAK 280 kilo – Lehen jardunaldia:

Basaburua: 5 puntu

Iñigo Aritza: 4 puntu

Andra Mari: 3 puntu

Berriozar: 2 puntu

Anar: puntu 1

 

EMAKUMEZKOAK 255 kilo – Lehen jardunaldia:                     

Beti Gazte A: 4 puntu

Berriozar: 3 puntu

Beti Gazte B:  2 puntu

Antsoain: puntu 1

 

Lehen bi  txapelak Lesakan apirilaren 21ean

Txapelketako bigarren saioa apirilaren 21ean jokatuko dute, larunbatean 17:00etan Lesakako udal pilotalekuan. Gizonezkoen 320 kiloko eta emakumezkoen 255 kiloko bigarren jardunaldia jokatuko dute eta ondotik, bi jardunaldietan puntu gehien lortu dituzten bi taldeen arteko finala. Beraz, lehen bi txapelak banatuko dira Lesakan. 20 urtez beheitikoek eta kadeteek ere bigarren jardunaldia jokatuko dute, baina hauen ligaxka lau jardunaldikoa izanen da.

Maiatzaren 5ean Antsoainen, gizonezkoen 300 kiloko eta emakumezkoen 235 kiloko lehen jardunaldia jokatuko dute pisu handietako parte-hartze berdinarekin. 20 urtez azpikoek eta kadeteek hirugarren jardunaldia jokatuko dute.

 

Lau txapel maiatzaren 12an Iruritan

Maiatzaren 12an, larunbatean 17:00etan Iruritan laugarren saioa jokatuko da eta bertan lau txapel emanen dira. Izan ere, gizonezkoen 300 kiloko eta emakumezkoen 235 kiloko bigarren jardunaldiaren ondotik, finala jokatuko dute puntu gehien dituzten bi taldeek. Eta 20 urtez beheitiko eta kadete mailako laugarren jardunaldiaren ondotik ere, puntu gehien dituzten bi taldeek finala jokatuko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa