60 urtetik goitikoei zuzendua, Lagun Handiak elkartean eginen dute maiatzaren 7, 9, 14 eta 16an, 10:00etatik 12:00etara
Modu aktibo eta osasungarrian zahartu nahi duten 60 urtetik gorakoei zuzenda ‘Osasunez zahartzea’ lantegia eskainiko dute Berako Lagun Haundiak elkartean (Legia, 26) maiatzaren 7an, 9an, 14an eta 16an, 10:00etatik 12:00etara.
Lantegia gaztelaniaz eginen da eta doakoa da, baina izena eman beharra dago Nafarroako Osasun Publikoaren eta Lan Osasunaren Institutuan, Osasuna Sustatzeko eta Politika guztietan Txertatzeko Atalean (848 423450 telefonoa, www.escuelademayores.navarra.es webgunea).
Bortzirietan, Lesakako Osasun Etxeak, Gizarte Zerbitzuen Mankomunitateak eta Lagun Handiak elkarteak laguntzen dute ikastaroaren antolaketan.
Lehen saioan zahartze prozesuaz ariko dira, bigarrenean gorputza zaintzeaz, hirugarrenean, norbere gogoa eta emozioak zaintzeaz eta laugarrenean harremanak eta ingurua zaintzeaz.