Baina bi eguneko topagunearekin aski ez, eta eskualdeko gazteek aitzineko egunetik martxan jartzeko erabakia hartu dute. Horretarako, eskualdeko mendi martxa eginen dute martxoaren 29an, Lesakatik goizean abiatu eta gauean Oiartzunera bidean dagoen Arritxulo aterpetxean lo eginez, hurrengo egunean Oiartzunera ailegatzeko.
Ortzegunean 10:30ean abiatuko dira Lesakako plazatik, eta bidean dagoen Gaztinborda txabolan eginen dute bazkaria. Arratsaldean Arritxulora bidean jarriko dira eta han gaua pasatu eta gaubela ederra eginen dute, hurrengo egunean Oiartzunera indartsu joateko.
Eskualdeko gazteak harremantzen
Lesakako gazteak ez ezik, eskualdeko sorginak ere animatu nahi dituzte martxara, zonaldeko gazteen artean harremanak sakondu eta independentzia, sozialismoa eta feminismoaren alde loturak indartzeko. Lesakako Arranon paratu duten zerrendan eman daiteke izena.
