Nerea Altzuri, Amaia Telletxea, Aintzane Pikabea, Leire Mitxelena eta Amaia Apezetxearen lana eskertu dute
Jendetza bildu zen martxoaren 10ean egin zen Arantzako III. Trikitixa Jaialdian. Trikitilari eta dantzarien saio ederrak ikusi ahal izan ziren eta akabailan, herriko txistulariak omendu zituzten. Gaizka Sarasolaren doinuak, Aurreskua eta oroigarriekin, momentu hunkigarriak izan ziren.
Hain zuzen, Nerea Altzuri, Amaia Telletxea, Amaia Apezetxea, Aintzane Pikabea eta Leire Mitxelena txistulariak omendu zituzten. Hiru lehenbizikoek 31 urte daramazkite txistua jotzen, Gregorio Mitxelenarekin ikasi eta gero. Azken biak Gaizka Sarasola lesakarrarekin hasi ziren beranduago. Hain zuzen, Gaizka Sarasola berak pieza bat jo zien eta gero, ‘Ez dadila sekula isildu Arantzako ttunttunlarien soinua’ esaldiarekin, bortz emakume txistularien argazkia eman zieten oroigarritzat.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.