Hauek izanen dira partaideak: Doneztebeko Agorreta musika eskola, Arantzako trikitilariak, Etxalarko trikitilariak eta Elizagoien ahizpak, Berako Irats Trikitixa eskola eta Isidoro Fagoaga Udal Musika Eskola, Lesakako Trikitixa Eskola eta Udal Musika Eskola eta Aurtizko Mendaur Trikitixa eta Panderojoleen Eskola.
Azpeitiko Sahatsa Dantza Taldeko dantzarien saioak ere izanen dira jaialdian. Emanaldia akaututa, partaide guztientzat oroigarriak eta berendua eskainiko dituzte eta hondarreko bi urteetan bezala, omenaldirik ere ez da faltako.
Bertzalde, publikoaren artean, opariak zozketatuko dituzte: Martikoko loteak, Arantza Hotelean spa saioa, Amaia ileapaindegiko balea, Irrisarri Landeko Baxi abenturako sarrerak, Onddo ta Puntoko kamisetak eta Martzutzak jantzidendako eta San Miguel tailerreko opariak.
Emanaldia 16:30ean hasiko da. Sarrera bortz eurotan izanen da eta 12 urtez beheitikoek ez dute ordaindu beharko.