Espainiako txapeldun izan da bederatzi aldiz, Espainiako Kopa zortzitan irabazi du eta Erregearen Kopa seitan
Skeet olinpiko disziplinan Itsaso Fagoaga lesakarrak ez du parekorik: bederatzi aldiz Espainiako Txapelduna izan da. Honetaz gain zortzi Espainiako kopa eta sei Errege kopa eskuratu ditu. Horretaz gain, Europako txapelketan laugarren izan 2010ean, Espainiako errekorra hobetuz eta Iberoamerikar txapelketan bigarren 2012an. Orain, halere, 27 urte beteta, lehiaketak utziko ditu bere lanbidean bete betean aritzeko.
Ingeles irakaslea da Itsaso Fagoafa eta orain oposaketak prestatzea du helburu. Honetaz gain basurde ehizan ere segituko du. Aragoi eta Kataluninaren artean ibiltzen da bere ehiza taldearekin eta azken urteotan 1.000 basurde baino gehiago bota dituzte.
Oraingoz konpetizioa utziko du, baina oraindik gaztea denez, ez du berriz ere txapelketetara itzultzea baztertzen, baina «denbora batez utzi ondotik, berriz orain arte izan dudan mailara bueltatzea hagitz zaila izanen litzateke, bertze filosofia batekin hartuko nuke».
