Azken urteetan bezala, Unai Santamaria izan zen aipagarrienetako bat. Nafarroa Extrem-a bigarrenez irabazi zuen, baina oraingoan 32 kilometrotakoan, Garaipen honetaz gain, Ttutturru Trail eta Artega Mendi Lasterketak irabazi zituen. Hirugarren sailkatu zen Euskal Herria Mendi Erronkan eta Asier Apezetxearekin batera Lesakako Bikin Batin Nafarroa Oinezaren duatloia irabazi zuten.
Asier Apezetxeak ere denboraldi borobila egin zuen bi garaipen lortuz (Kintoa Kurri eta Ezpeletako gau lasterketa) eta bigarren izan zen Zestoako Kobaz Koba Trailen, Bidarrain eta Oleta-Yasolan. Garaipena lortu zuen besteetako bat Gwendal Larqué izan zen, hain zuzen ere Hiriburuko Course du Muguet lasterketan.
Jone Zelaietak Kintoa Kurri eta Sarako Kontrabandisten lasterketak irabazi zituen eta bigarren izan zen Senpereko Ibar Run Trailean eta hirugarren Kobaz Koba Trailen.
Txus Unsionek ultratrailetan maila ona eman zuen eta aurten lehenengo edizioa zeukan Basque Ultratrail Series zirkuitoa ia osotasunean burutu zuen. Master kategorian bigarren sailkatu zen Bilbo-Gasteiz, Gasteiz-Iruñea eta Iruéa-Donostia lasterketetan. Azken proba (Donostia-Bilbo) bertan behera utzi behar izan zuen baina sailkapen orokorrean 34. bukatu zuen.
Manttaleko partaideek Zegama-Aizkorri, Lezo-Jaizkibel, Ibar Run Senpere, Senpereko Trail, Donostia-Hondarribia Talaia Bidea, Larraul-Ernio-Larraul, Berako Mendi Maratoi Erdia, Erlaitz Aiako Harria Mendi Lasterketa, Laruneko kilometro bertikala, Arantzako Mendi Lasterketa, Euskal Herria Mendi Erronka, Camille Extreme, Goizutrail, Flysch Trail, Irati Trail, Ezpeletako gau lasterketa, Extrem Higa Monreal, Bidarraiko Lasterketa, Azkain-Larun-Azkaine, Beñat Elzo Lasterketa, Nafarroa Extrem, Sara Korrika, Skyruhne, Gorbeia Suzien eta Roncesvalles-Zubiri lasterketetan parte hartu zuten.
Errepideari dagokionez, Behobia, Donostiako Maratoi Erdia, Donibane Lohitzune-Hondarribia, Donostiako Maratoia, Gasteizko Erdi Maratoia, Azkoitia-Azpeitia, Hiru Hondartzetako Krossa, Guadalupe, San Marcial eta Lizuniagako igoerak, Doneztebeko krosa, Donostiako 15 kilometroak, Iruneko gau lasterketa, Iruñeko Carrera de las Murallas edo Txingudi Korrikan parte hartu zuten.