Martxoaren 8ko greba feministaz aritzeko batzar irekia eginen dute otsailaren 15ean Beran

Martxoaren 8ko greba feministaz aritzeko batzar irekia eginen dute otsailaren 15ean Beran

Ortzegunean 20:00etan Beralandetan 

Martxoaren 8aren harira, greba feministarako planteamendu bat garatzen ari da Euskal Herri osoan. Lehenengo asanblada Gasteizen izan zen duela hilabete pare bat eta geroztik herrialdeetan garatzen ari dira tokian tokiko prestatze asanblada irekiak. Goldatz Berako Emakume Talde Feministatik jakinarazi dutenez, Bortzirietan otsailaren 15ean, ortzegunean 20:00etan eginen dute batzarra Berako Beralandetan.

«Dinamika hau herrietara zabaltzen ari da eta Bortzirietako emakumeok ere egitasmo honetan parte hartu nahi dugu! Guztion artean erabaki, eztabaidatu eta martxoaren 8ko plantoa nola egin erabakitzeko (kontzentrazioak, ekintzak, manifa, deus ere ez...)», dio Goldatzen oharrak.

Lehen batzar honen ondotik eta planteamenduak eginda, asanblada informatiboak eginen dira (herriz herri edo Bortziriak osorako, ikusiko da nola landu) hala, geroz eta emakume gehiagori iristeko asmoarekin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun