erran.eus

Mintza-Txotx sagardotegiko bazkaria eginen dute Nafarroa eta Gipuzkoako solaslagunek martxoaren 3an Lesakan

  Gizartea  Bortziriak  Lesaka

Linddurrenborda sagardotegian eginen den ospakizunerako izen emateko epea otsailaren 23ra arte irekia dago

Baztan, Bortziriak eta Malerrekako Solaslagunak, Iruñerriko eta Lizarbeibarko Mintzakidek, Donostiako Mintzalagunak, Irun eta Hondarribiako Mintzalagunak eta Irungo udal euskaltegiak antolatuta Mintza-Txotx sagardotegiko bazkaria eginen dute martxoaren 3an Lesakako Linddurrenborda sagardotegian, Nafarroako eta Gipuzkoako mintzapraktika egitasmoen baitan. Izen emateko epea otsailaren 23ra arte zabalik dago

Mintza-Txotx sagardotegiko bazkaria eginen dute Nafarroa eta Gipuzkoako solaslagunek martxoaren 3an Lesakan
Lehen ere Linddurrenbordan bilduak dira Solaslagunak mintzapraktikak egitera. | Ikusi handiago | Argazki originala

 

Sagardotegia eta autobusaren prezioa 36 eurokoa da eta sagardotegiko menuaren prezioa 30 eurokoa da.

Solasalagunatik jakinarazi dutenez, «saio hau erabat parte-hartzailea izatea nahi dugu, gainera, harremanak lantzeko, euskal sareak hedatzeko eta gure inguruan eragin soziala izateko ere balioko du. Oroitu saio osagarri hauek denendako irekiak direla, beraz zuen lagunak, familia, ezagunak, amoranteak… parte hartzera animatzen ahal dituzue. Baldintza bakarra euskaraz aritzea da!».

Nafarroako autobusa 12:00etan abiatuko da Lizarratik, 12:30ean Iruñeko Korralilloseko errotondan, 13:15ean Elizondoko plazan izanen da, 13:40an Doneztebeko bus geltokian eta 14:00etan Lesakan. Lesakatik bueltan, berriz, 20:30ean abiatuko da.

Izen emateko 610 920673 telefonora deitu behar da edo solaslaguna@topagunea.eus helbide elektronikora idatzi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa