Beti Gazte, Ibarra, Gaztedi, Sokarri, Ñapurrak-Lagunak eta Txantrea izanen dira 600 kiloko final horretan. Bilboko jardunaldian Beti Gazte izan zen nagusi. Finaletik kanpo gelditu dira Gabadi-Jutsi, Murueta, Abadiño eta Berriozar.
Emakumezkoetan, 500 kiloko lehen jardunaldia jokatu zen Bilbon eta hemen ere Badaiotz nagusi izan zen, 540 kilokoan bezala, txapela janzteko hautagai naguaia dela erakutsiz. Gibeletik sailkatu ziren Ibarra, Gaztedi, Txantrea, Beti Gazte eta Berriozar. Lesakarrek Berriozarrekoekin berdinduta bukatu zuten, bien arteko tiraldi bana irabazi baitzuten eta gainerako guztiak galdu.
Hurrengo jardunaldiak
Otsailaren 10ean, gizonezkoen 640 kiloko finala jokatuko dute Idiazabalen (Gipuzkoa). Hemen ere, Beti Gazteko mutilak ariko dira, Gaztedi, Sokarri, Ñapurrak-Lagunak, Ibarra eta Zuraiderekin batera.
Otsailaren 17an, gizonezkoen 600 kiloko finala eta emakumezkoen 500 kiloko bigarren jardunaldia jokatuko dute Ibarran (Gipuzkoa).
Otsailaren 24an, gizonezkoen 560 kiloko txapelketa jokatuko da saio bakarrean eta emakumezkoen 500 kiloko finala Laukizen (Bizkaia) jokatuko dute.
Otsailaren 25ean, azkenik, txapelketa mistoa jokatuko dute Bilbon (Bizkaia).