Kontsumitzea edo ez kontsumitzea eta zer, zenbat, nola eta norekin bakoitzaren ardura eta erabakia dela gogorarazi dute
Kolorea eta umorea ez dira faltako hemendik aitzin inauterietako ospakizunetan. Lagunartean parranda egiteko egun horietan, Bortzirietako Gizarte Zerbitzutik egiten dituzten prebentzio eta sentsibilizazio esku-hartzeen harira, kontsumoak eta harremanak errespetuz eta errespetuan emateko deia egin dute.
Kontsumitzea edo ez kontsumitzea, nola, zer, zenbat eta norekin… bakoitzaren ardura eta erabakia izan behar duela gogorarazi dute, bakoitzak berea hartu eta bertzeena errespetatu beharrekoa. Errespetuzko harremanetan, elkar ulertze eta onartzean, aniztasunean eta elkar kontrolik gabekoan sinisten dute, horrelako harremanak eraikitzea desio dutelarik. Arduraz jokatu eta gozatu!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.