Master60 mailako Espainiako txapelketa, Euskal Herriko eta Nafarroako txapel aunitz eta hainbat lasterketean garaipenak lortu dituzte sei urteotan. Iaz, Luziano Mitxelena lesakarra Euskadiko txapeldun izan zen kategoria honetan, Espainiako hirugarren eta Munduko txapelketan ere parte hartu zuen.
Hala ere emaitzen gainetik bizikletaren inguruan bizitako esperientziak eta bizipenak izan dira garrantzitsuenak. Guzti hori bizi ahal izateko babesle eta laguntzaileen parte hartzea ezinbertzekoa izan da.
Aurkezpen ekitaldian Inurrieta Upategien komertziala den Felipe Lizardi izan zen, proiektu honi babesa eta laguntza aunitz eskaini diona hasiera hasieratik. Jose Luis Sunsundegi, Beti Gazte elkarteko presidentea ere han izan zen, Transbidasoa eta Euromaster enpresetako ordezkariekin batera.
2018 urteari begira urteroko helburu berak izanen ditu taldeak, proba bakoitzean mailarik onena ematea eta podiumera igotzen saiatzea; geroz eta zailagoa da podiuma zapaltzea, baina horrek ez ditu beldurtuko Transbidasoa-Euromaster-Inurrieta taldeko txirrindulariak. Gehien bat Nafarroa eta inguruetako probetan aterako dira, nahiz eta urrutiago lasterketetara ere joanen diren.
Taldekideak
Master-60
Luziano Mitxelena (Lesaka)
Master-40
Iñigo Dorronsoro - LEITZA
Txutxin Fernandez - ORDUÑA
Master-30
Iñigo Lizartza - LEITZA
Peio Lizartza - LEITZA
Ion Zeberio - IRUÑA
Jabier Ariztimuño - LEITZA
Joxe Mari Sestorain - LEITZA
Juan Jesús Irigaray – PERALTA
