erran.eus

Donejakue bidea egiteko asmoa dela eta, bilera eginen du Arkupeak elkarteak urtarrilaren 16an

  Gizartea  Bortziriak  Bera

Beran asteartean eginen duten mendi irteeraren ondotik eginen duten bilkurarra joan ezean, bulegora deituz eman dezakete bazkideek izena

Arkupeak elkarteko kide batzuk Santiago bidea egiteko asmotan dabiltza, baina, horretarako, zenbat lagun bilduko lirateken jakin nahi dute. Hori horrela, urtarrilaren 16an, asteartean Berako mendi irteera egin ondotik, horixe izanen dute hizpide. 

Donejakue bidea egiteko asmoa dela eta, bilera eginen du Arkupeak elkarteak urtarrilaren 16an
Berastegira egin zuten Arkupeak elkarteko mendizaleek 2017ko azken irteera. Astearte honetan Beran ibiliko dira. | Ikusi handiago | Argazki originala

 

Bazkalondoan helduko diote gaiari, gutxieneko kopuru bat bilduko ote litzatekeen argituz. Edonola ere, egun horretan bazkarira joaterik ez duenak, bulegora deitu eta datuak helaraziz, izena eman dezake.

 

Urteko irteerak

Donejakue bidea egiteko asmoa aurreproiektu hutsa izanagatik, aurtengorako mendi irteeren egun eta helmugak zehaztuak dituzte dagoeneko Arkupeak elkartean.

Urtarrilaren 16an Berara; otsailaren 20an Hondarribiara; martxoaren 20an Etxalarrera; apirilaren 17an Igantzira; maiatzaren 22an Leitzara; ekainaren 19an Urdazubira; uztailaren 17an Txindokira; abuztuaren 21ean Mendaurrera; irailaren 12an Gorbeara; urriaren 16an Aiako Harrietara; azaroaren 20an Eratsunera; eta abenduaren 18an Doneztebera joanen dira.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa