Nafarroako IV. Trikiti jaialdia urtarrilaren 27an ospatuko dute Lesakan

Ttipi-Ttapa/Xorroxin 2018ko urt. 23a, 08:57

Duela bi urte ere Lesakan egin zuten Nafarroako Trikitixa jaialdia.

Euskal Herriko lurralde guztietako trikitilariak eta musikariak bilduko dira Harriondoa Kultur Etxean, tartean Kepa Junkera eta Niko Etxart

Laugarren urtez Nafarroko trikiti jaialdia ospatuko da, aurtengoan urtarrilaren 27an Lesakako Harriondoa Kultur Etxean, 17:30ean. Nafarroako Trikititxa Elkarteak antolatu du, Lesakako Trikitixa Taldearen, Udalaren, EITBren eta Tiriki trauki esku-soinu dendaren laguntzaz.

Aurtengoan Euskal Herriko lurralde guziko trikitilariak izanen dira jaialdian. Hauek dira parte hartzaileak:

- Elgorriaga anai-arrebak eta Egoitz Telletxea (Lesaka, Nafarroa)

- Igon Olaguenaga eta Egoitz Uriarte (Araba)

- Eneko Dorronsoro, Ixak Arruti eta Gari Otamendi (Gipuzkoa)

- Erika Lavillard, Sabine Ferreira eta Raphael Ferreira (Lapurdi)

- Kepa Junkera eta Sorginak (Bizkaia)

- Patrik Larralde eta Christian Larralde (Behe Nafarroa)

- Niko Etxart (Zuberoa)

Zuriñe Hidalgo eta Estitxu Pinatxo izanen dira aurkezleak.

Oraindik jaialdirako sarrerak geratzen dira (12 eurotan). nafarroakotrikitixaelkartea@gmail.com helbidera idatzi behar da errerserba egiteko.

Jaialdiaren ondotik afaria izanen da Irubide jatetxean (20 euro) eta seguru gaude trikiti doinuek goizalderarte iraunen dutela.

Guttitan ikusiko dira euskal Herri guziko trikitilariak horrela elkarrekin jaialdi batean. Gainera sorpresa bat baino gehiago ere izanen omen da jaialdian.

Kultura Bortziriak Lesaka

Erlazionatuak

Ilbeltzaren 27an, Lesakan eginen den Nafarroako IV. Trikitixa Jaialdiaz, Irune Elizagoien etxalartarrarekin, solastu gara.

Xorroxin irratia 2018 urt 12 Bortziriak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun