Musika eta Mugimenduko ikasleek ‘Haurtxo Maite’ eta ‘Eguberriko astotxoa’ eskainiko dute; bibolin taldeak ‘Strauss Waltzes’ eta ‘Trisch-Trasch Polka’; helduen abesbatzak ‘Dios Te Salve’ kantatuko du; kitarra taldeak ‘Ríe chinito’ joko du; helduen taldeak The Beatles-en ‘Let it be’; trikitixa taldeak ‘Ipar haizea’ joko du, Julia Artieda klarinetean, Eneritz Zapiain txalapartan eta Maria Jose Bergara pianoan lagun dutela; txistu taldeak, Sara Altzuguren eta June Lasarterekin, Enaitz Erkizia atabalean, Araitz Bizkai kitarran eta Amaiur Goñi kajoian lagun dituztela ‘Aurtzaka-Hegi’ joko du; perkusio taldeak ‘Gaueko izar’; abesbatzak ‘Adeste Fideles’ eta ‘Gabon onak’, talde instumentalak ‘Lau teilatu’ eta guztiek batera ‘Hiru Gabon abesti’ eskainiko dituzte, emanaldia bukatzeko.
Naroa Otamendi saritua Arrasaten
Bertze aldetik, Naroa Otamendi Abril, Berako Isidoro Fagoaga Musika Eskolako ikasleak urrezko domina lortu berri du, Arrasateko Akordeoi lehiaketan, B kategorian.