Goiz goizetik, Begiluzeri ongi etorria egin zioten ikasleek eta ondoren txistularien doinupean eta Zuk eta nik euskaraz elkarrekin lelopean, kalejiran abiatu ziren guztiak herrian barna, euskara plazaratu nahian. Plazan bertan, maila bakoitzeko ikasle taldeek, euskarazko abestien koreografia emanaldia eskaini zuten eta bukatzeko bertaratutako guztiek, Guk euskaraz eta Kontrapas kantak abestu zituzten. Arratsaldean berriz, ikasleak margolari lanetan aritu ziren eta arkupean irudikatutako horma-irudia, guztien artean margotu zuten. Egunari bukaera emateko, guraso elkarteak antolatuta, gerturatutakoek txokolatada eta taloak dastatzeko aukera izan zuten bai eta karaokean kantari aritzeko ere. Giro ezin hobean, ederrean ospatu zuten euskararen eguna!!!