Abenduaren 19ra bitarte ikusgai izanen da Euskal Memoriaren lana Kultur Etxean
Euskal Memoria Fundazioak prestatu duen Euskara. Ospeletik eguterara. Hizkuntza zapalkuntzaren memoria erakusketa ikusgai dago Berako Kultur Etxean. Abenduaren 13an ireki zen eta hilaren 14an, 15ean, 18an eta 19an bisita daiteke, 17:00etatik 20:00etara.
Toki Ona Institutuko Guraso Elkarteak, Berako Udalaren eta Berako Kultur Batzordearen laguntzaz antolatutako erakusketaren helburua ondoko hau da: euskararen kontrako jazarpen iraunkorra agerian utzi, euskaldunek jasandakoa haien ahotan ezagutarazi, eta zapalkuntza horren lekukotasunak biltzen segitzeko bidea jartzea. Hamabortz panelek eta lekukotasunak jasotzen dituen 20 minutuko ikus-entzunezko batek osatzen dute erakusketa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.