Ortziralean Arranon Bibote Gorriak taldearen ‘Morbus Operandi’ eta larunbatean Harriondoan, Abarka antzerki taldearen ‘Besaulkiak’
Lesakako Mairu Antzerki Tailerrak, Udalaren eta Arrano elkartearen laguntzaz antolatutako Keinu-Leihoak XIII. antzerki jardunaldietako lehen emanaldia eskaini zuen ortziralean Huts Teatroak Harriondoan. Asteburu honetan izanen dira azken bi emanaldiak.
Abenduaren 15ean, ortziralean 22:00etan, Arranon, Morbus Operandi antzezlana eskainiko dute, Bibote Gorriak taldearen eskutik. Galder Perezen testua eta zuzendaritza. Ane Zabala eta Aiora Sedano jokoan. Sarrera doan izanen da.
Abenduaren 16an, larunbatean 20:00etan, Harriondoan, Besaulkiak, Markina-Xemeingo Abarka Antzerki Taldearen lana izanen da ikusgai. Gotzon Barandiaranen testua eta Ander Lipusen zuzendaritza.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.