Igande arratsaldeko 7:30ean hasiko da Andre Maria elizan
Azaroaren bukaeran hasia dute urte bukaerako bira Carlos Nuñez musikari ezagunak eta bere taldeak (tartean Itsaso Elizagoien herritarra) eta abenduaren 30era arte hainbat kontzertu eskainiko dituzte. Etxalarkoa berezia izanen da, hainbat gonbidatu izanen baitira. Carlosek beti garrantzia eman nahi izan die instrumentu tradizionalak jotzen dituzten talentudun artista gazteei. Horrela egin zuen orain dela bi urte Itsaso Elizagoienekin.
Gaur egun berarekin dabil hainbat eszenatoki garrantzitsutan parte hartuz. Abenduaren 17an ere Etxalarrera gogo handiarekin etorriko da taldea, herriko hainbat musikari gazteei eszenatokira igotzeko gonbita eginez. Hala nola, trikitilari, dantzari eta bertze hainbat musikari gonbidatu ere izanen dira oholtza gainean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.