Keinu-Leihoak Antzerki Zikloaren baitan hiru emanaldi antolatu dituzte Lesakan

Ttipi-Ttapa 2017ko abe. 5a, 08:01
Deskargatu Info Ahotsak :
es en fr

Ander Lipus eta Patricia Urrutia ariko dira antzezle lanetan ortziraleko 'Hozkailua' antzezlanean.

Ortzirale honetan, Huts Teatroaren eskutik Hozkailua antzezlana ikusgai izanen da Harriondoan

Lesakako Mairu Antzerki Tailerrak, Udalaren eta Arrano elkartearen laguntzaz, 2017ko Keinu-Leihoak antzerki jardunaldietarako egitarau zabala prestatu du. Hamahirugarren edizio honetan hiru emanaldi antolatu dituzte, abenduaren 8 eta 16an Harriondoan eta abenduaren 15ean Arranon.

 

Abenduaren 8an, ortziralean 20:00etan, Harriondoan, Hozkailua antzezlana,Huts Teatroaren eskutik. Unai Iturriagaren testua eta Manex Fuchen zuzendaritzapean, Ander Lipus eta Patricia Urrutia ariko dira antzezle lanetan. 5 euro ordainduko da sarrera.

Abenduaren 15ean, ortziralean 22:00etan, Arranon, Morbus Operandi antzezlana, Bibote Gorriak taldearen eskutik. Galder Perezen testua eta zuzendaritza. Ane Zabala eta  Aiora Sedano jokoan. Sarrera doan izanen da.

Abenduaren 16an, larunbatean 20:00etan, Harriondoan, Besaulkiak, Markina-Xemeingo Abarka Antzerki Taldearen lana izanen da ikusgai. Gotzon Barandiaranen testua eta Ander Lipusen zuzendaritza.

Kultura Bortziriak Lesaka
Erlazionatuak
Keinu Leihoak 2017 kartela

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun