Emakumezkoak 260 kiloko kategorian ari dira eta hamar taldea ari dira lehian: lesakarrekin batera, Badaiotz, Txantrea B, Ibarra A eta Antsoain ari ziren A multzoan eta igandean Ibarran hirugarren izan ziren lesakarrak. Lehen jardunaldian bezala, Ibarra A eta Badaiotz lehen postuan berdinduak gelditu ziren (4,5 puntu), Beti Gaztek 3 puntu eskuratu zituen (bi talde horien kontra galdu eta gainerakoei irabazita), Txantrea Bk 2 eta Antsoainek bakarra. B multzoan Txantrea A nagusitu zen (5 puntu), Ibarra B (4 puntu), Berriozar (2,5 puntu), Bizindar ( 2,5 puntu) eta Ustaritzen (puntu 1) aitzinetik.
Honela, Badaiotz arabarrak, Ibarra A eta Ibarra B gipuzkoarrak eta Beti Gazte, Txantrea A eta Berriozar nafarrak izanen dira Kortezubiko finalean
Gizonezkoetan hamalau talde ari ziren lehian 300 kilokoan: Beti Gazterekin batera, Berriozar A, Ibarra A, Txantrea, Getxo, Baigorri eta Sokarri A ari ziren beraien multzoan. Lesakarrek Baigorrirekin berdindu, baina bertze tiraldi guztiak irabazi zituzten Ibarran igandean (6,5 puntu). Baigorrik ere 6,5 puntu lortu zituen. Sokarri (5 puntu), Ibarra A (4 puntu), Berriozar A (3 puntu) Txantrea (1,5 puntu), eta Getxo (1,5 puntu) sailkatu ziren ondotik. B multzoan Ñapurrak nagusitu zen (7 puntu), Kaskallueta bigarren (6 puntu), Berriozar B (5 puntu), Murueta (4 puntu), Antsoain (3 puntu), Ibara B (2 puntu) eta Ustaritz (puntu 1)
Honenbertzez, Beti Gazteko lesakarrekin batera, Berriozar B eta Kaskallueta nafarrak, Baigorri eta Ñapurrak lapurtarrak eta Sokarri bizkaitarra izanen dira abenduaen 17an Kortezubin jokatuko den finalean.