erran.eus

Toti Martinez de Lezea idazleak piztu du IrriSarriko txondorra abenduaren 2an

  Gizartea  Bortziriak  Igantzi

Egitasmo horren bidez, euskal kultura eta historian egindako lana goraipatu nahi izaten dute

Irirsarri Land parkean, laugarren urtez, 18.000 kilo egur erabiliz egin txondorra aurtengoan Toti Martinez de Lezeak piztu du, abenduaren 2an. Idazle gisa egin duen ibilbide oparoarengatik eta mitologiaren bidez euskal kultura hedatzen egindako lanagatik aukeratu dute.

Toti Martinez de Lezea idazleak piztu du IrriSarriko txondorra abenduaren 2an
Toti Martinez de Lezea idazlea, IrriSarriko txondorra pizten. | Ikusi handiago | Argazki originala

 

Toti Martinez de Lezea 1949an Gasteizen jaio zen idazlea da, euskaraz zein gazteleraz idatzi izan duena. Helduendako ez ezik, gazte eta haur literatura egin izan du, eta zenbait lanetan, euskal mitologia hartu du oinarri. Mitologiak Irrisarrin duen presentzia aintzat hartuz, erran daiteke horixe dela idazlea eta parkea harilkatzen dituena. Izan ere, Baxi izeneko basajauna da parkeko maskota; bidaxketan barrena, euskal mitologiako hainbat pertsonaia ezagutzeko aukera eskaintzen dute; pertsonaiok ezagutzeko liburua sortu dute...

Bide batez, Toti Martinez de Lezeak Ikaztegiako, duela bi urte egin zuten ikatzaren museoko, enbor batean bere arrastoa utzi du, aitzinetik Iñaki Perurenak, Xabier Euzkitzek eta Xabier Agotek egin zuten moduan.

Txondorra piztearekin batera, hainbat ekitaldi kultural eta ludiko abiatu dira IrriSarrib. Horietarik, Olentzeroren etorrera da nagusitzen dena. Aurten ere, abenduaren 16an eta 17an Irisarrin izanen da, ttikienen gutunak biltzen.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa