Heldu den asteartean 17:00etan Beñat Azurmendik Labiaga ikastolako Eztegararako egoitzan eskainiko duen hitzaldirako azaroaren 3ra bitarte eman daiteke izena
Hezkuntza tradizionala alde batera utziz, norberarenganako konfiantza lortzeko lantzen den proiektu pedagogiko berritzailea da Konfiantzaren Pedagogia. Honi buruz gehiago jakiteko, solasaldia eskainiko du Beñat Azurmendik, Ikastolen Elkarteko Haur Hezkuntzako eta prestakuntzako arduradunak azaroaren 7an, asteartean 17:00etan Berako Labiaga ikastolan.
Zehazki, Eztegarako egoitzan eskainiko du solasaldia (parte hartuko duen jende kopuruaren arabera, gela zehaztuko da). Haurtzaindegi zerbitzua eskainiko da.
Hitzaldian parte hartu nahi dutenek, azaroaren 3a baino lehen idazkaritzan izena eman behar dute (948 630 172 / 608 677 446 whatsapp mezua bidaliz edo bera@ikastola.eus helbidera idatziz).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.