Soinu, kanta eta dantza emanaldi berezia eskainiko dute Beran urriaren 20an

Ttipi-Ttapa 2017ko urr. 18a, 07:20
Gure Txokoa dantza taldeko dantzariek ere parte hartuko dute jaialdian.

Ortzirale arratseko 10etan Herriko Etxeko plazan ariko dira Gure Txokoa dantza taldea, Berako Musika Banda eta Berako Abesbatza 

Soinu, kanta eta dantza emanaldi berezia eskainiko dute urriaren 20an, ortzirale arratseko 10etan Berako Herriko Etxeko Plazan. Gure Txokoa dantza taldeak, Berako Musika Bandak eta Berako Abesbatzak eskainiko dute emanaldia eta beraiek antolatu dute, Berako Kultur Batzordearen, Berako Udalaren, Xuga Ostatuak eta Taberna edarien laguntzarekin.

 

Ekitaldia larunbat arratseko 10etan hasiko bada ere, ordu erdi lehenago irekiko da sarrera. Aipatzekoa da Herriko Etxeko plazara ezin izanen dela Legia karrikatik eta Foruen Plazatik sartu. Hortaz, sarrera bakarra Gernikako Arbolaren karrikatik izanen da. Eguraldiak lagunduko ez balu, Altzateko pilotalekuan eginen litzateke emanaldia.

Egitarauari dagokionez, Aurreskua, Euskal Musikaren gorespena, Baldorba, kantaldia, Arin bero, Olaira, Sagarra Jo eta Jaialdia eskainiko dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun