Landa eremuko emakumeen inguruko lana aurkeztuko dute urriaren 13an Beran

Ttipi-Ttapa 2017ko urr. 11a, 16:06
Maialen Txantre, ezkerrean, lana prestatzeko emakume ekoizle batekin solasean.

Maialen Txantre beratarrak, bertze zenbait egilerekin prestatu duen txostena Beralandetan erakutsiko dute ortzirale arrateko 8:30ean

Urriaren 15a, landa eremuko emakumeen nazioarteko eguna dela eta, Berako Goldatz emakume feminista taldeak antolatuta, Maialen Txantre beratarrak, bertze zenbait egilerekin batera egindako ‘Emakume ekoizleak eta elikadura burujabetza Nafarroan, generoaren ikuspegitik’ lanaren aurkezpena eginen dute urriaren 13an, ortzirale arratseko 8:30ean Berako Beralandetan. Ondotik, merendutxo bat izanen dute Bidaziko produktuekin.

 

Dokumentu hau Mugarik Gabe Nafarroa, Mundubat eta IPES erakundeek sustatu eta Nafarroako Gobernuak ordaindu dute eta ‘Gobernantza lokal eta eraldatzailea elikadura burujabetza eta genero gakoekin” sentsibilizazio prozesuaren baitan garatutako ekintzetako bat da

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun