Helduek bi ibilbide izanen dituzte aukeran: 32 kilometrokoa luzeena eta 20 kilometrokoa laburrena. Federatuek eta Gure Txokoako bazkideek 5 euro ordaindu beharko dute izen ematean eta federatu gabekoek eta Gure Txokoako bazkide ez direnek 10 euro.
Ibilbide ttikia ere izanen da, 10 bat kilometrokoa, 14 urtez beheitiko neska-mutikoei zuzendua, Postas eta Bera artean (10 km). Hauek 5 euro ordaindu beharko dituzte izen ematean eta gurasoen baimena aurkeztu beharko dute (Aloña Farmazian edo Katea Bike dendan eskura daiteke papera) edo gurasoetakoren batek lagunduta parte hartu.
Bolondresak ere beharko ditu Gure Txokoak proba hau behar bezala joan dadin, beraz, laguntzeko prest bazaudete, jarri elkartearekin harremanetan email bidez (guretxokoaelkartea@gmail.com) edo mezu bat bidaliz 626309438 zenbakira.