Piano eta ahots musika emanaldi arrakastatsua egin dute Beran Isidoro Fagoagaren oroimenez

Ttipi-Ttapa 2017ko ira. 25a, 07:53

Javier Perez de Azpeitia piano-jole beratarraren eskutik eta Miguel Olano tenore errioxarraren ahotsetik

‘Isidoro Fagoaga, bada tenorea!’ izenburupean Beran egiten ari diren jardueren baitan, Isidoro Fagoagaren Lagunak elkarteak antolatutako udazkeneko lehen ekitaldia irailaren azken igandean egin dute. Javier Perez de Azpeitia pianista beratarrak eta Miguel Olano tenore errioxarrak musika emanaldi berezia eta hunkigarria eskaini dute Kultur Etxean.

 

Biek elkarrekin edo pianoarekin bakarrik, Sonata de 5º tono (P.Larrañaga), Caro Mio Ben (Giordani), Vaga Luna (Bellini), L’Ultima Canzone (Tosti), El Canto de las Montañas (D. Zabalza), Non ti scordar di me eta A Vuchella (Tosti), Core Ingrato (Cardillo), Viva Navarra (Larregla), Del cabello mas sutil (Obradors), Jota (Falla) eta Amapola (Lacalle) eskaini dituzte, baina entzuleen eskariari erantzunez, bertze bizpahiru doinu eder ere aireratu dituzte, tartean Marijo Bergara, Isidoro Fagoaga Musika Eskolako zuzendariak Berako tenore handia izan zenaren omenez konposatutako pieza ere.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun