Irailaren 30ean, larunbat goizeko 9:30etik 14:30era eskainiko dute Beralandetan. Landare eta konpostarekin esperimentatzeko materialak (bandeja, lorontzi, landareak…) banatuko dira matrikulatutakoen artean.
Europar Batasunak bultzatzen duen Ekonomia Zirkularraren eta aldaketa klimatikoa mitigatzeko politikaren aplikazioaren ondorioz, biohondakinak konpostatuak lehenengo sektorean erabiltzeko mandatu irmoa dago. Hori dela eta, konposta bai nekazaritza eta bai lorezaintzan erabiltzearen beharra dago. Euskal herrian biohondakinez egindako konposten inguruko esperientzia zientifiko-tekniko zabala dago, baina ongarri hauen balizko erabiltzailetara ez da behar bezala zabaldu.
IKurtso honen bidez biohondakinekin egindako konposten inguruko esperientziak zabaldu eta horren inguruko mitoak eta uste okerrak argitu nahi dira bai nekazaritzan eta bai lorezaintzan.
Era berean, taller praktiko baten bidez, erakutsi nahi dira teknika sinple eta merkeak konpost zehatz baten ezaugarri eta erabilerak aztertzeko.