Astearte eta ortzegun arratsaldetan eginen dituzte infantil mailatik goitiko entrenamenduak Berako Eztegaran
2017-18 ikasturte berriari ilusio handiz emanen dio hasiera Bortziriak Pilota Elkarteak irailaren 19an, asteartean. Entrenamenduak astearte eta ortzegun arratsaldetan eginen dituzte Berako Eztegara pilotalekuan eta ttikiak, berriz, asteazkenetan 15:00etan. Ttikiak (prebenjamin), umeak (benjamin) eta kimuak (alebin) beraien herrietan, Lesakan, Etxalarren eta Arantzan entrenatuko dute.
Pilota entrenamenduetan apuntatu nahi dutenen gurasoek, irailean konpromezurik gabe eraman dezakete seme-alabak astearte eta ortzegun arratsaldetan pilotalekuetara, arduradunekin solasteko eta esku pilota probatzeko.
Ttikiak (2010-2011 urteetan jaioak), umeak (2008-2009), kimuak (2006-2007), haurrak (2004-2005), kadeteak (2002-2003), gazteak (2000-2001) eta 22 urtez beheitikoak (1995-1999) hartzen ditu Bortziriak pilota eskolak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.