erran.eus

Piano eta ahots musika emanaldi berezia antolatu dute Beran irailaren 24an, Isidoro Fagoagaren oroimenez

  Kultura  Bortziriak  Bera

Javier Perez de Azpeitia piano-jole beratarraren eskutik eta Miguel Olano tenore errioxarraren ahotsetik

‘Isidoro Fagoaga, bada tenorea!’ izenburupean Beran egiten ari diren jardueren baitan, Isidoro Fagoagaren Lagunak elkarteak antolatutako udazkeneko lehen ekitaldia irailaren azken igandean, irailaren 24an izanen da. Javier Perez de Azpeitia pianista beratarrak eta Miguel Olano tenore errioxarrak musika emanaldi berezia eskainiko dute arratsaldeko 7etatik aitzinera Kultur Etxean.

Piano eta ahots musika emanaldi berezia antolatu dute Beran irailaren 24an, Isidoro Fagoagaren oroimenez
Javier Perez de Azpeitia piano-jole beratarra eta Miguel Olano tenore errioxarra. | Ikusi handiago | Argazki originala

 

Kontzertu horretarako sarrerak salgai jarri dituzte Berako Agara, Irene eta Igone dendetan, Lesakako Telletxea estankoan eta Etxalarko Herriko Ostatuan. Aitzinetik 8 eurotan eros daitezke eta egun berean, 10 eurotan.

 

Egitaraua

Elkarrekin edo pianoarekin bakarrik, Sonata de 5º tono (P.Larrañaga), Caro Mio Ben (Giordani), Vaga Luna (Bellini), L’Ultima Canzone (Tosti), El Canto de las Montañas (D. Zabalza), Non ti scordar di me eta A Vuchella (Tosti), Core Ingrato (Cardillo), Viva Navarra (Larregla), Del cabello mas sutil (Obradors), Jota (Falla) eta Amapola (Lacalle) eskainiko dituzte.

2017/09/24 19:00

Berako Kultur Etxea | Bera

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa