21 postuetatik 16 hasierako prezioan eman ziren, inolako hobetzerik gabe. 12. postua 73 tanto hobetu zen (730 euro gehiago). Aldiz, 15., 16., 17. eta 18. postuak hutsean gelditu ziren eta inork ez zuen hasierako 715 edo 920 euroak ere ordaindu. Posturik garestienak, zortzigarrena eta hamekagarrena, hasierako 3.270 eurotan eman ziren.
Behin betiko enkantea irailaren 12an egin zen eta ez zen hobekuntzarik izan eta hutsean gelditutako lau postuak eman gabe segitu zuten.
Etxalarko Udalak irailaren 28an eginen du ohiko batzarra eta orduan erabakiko da zer egin eman gabe gelditu diren postu horiekin. Oraingoz, hasierako prezioa mantenduko dute, baina eskaintzaren bat agertuko balitz, hori baino baxuagoa, Udalak aztertuko luke onartu edo ez.